تستاهل ألف جزمة.. على اللى انت عملته فينا

الجزمة كانت مفاجأة تمام زى الزيارة

الدنيا بحالها فرحت والناس فضلت سهارى

يا قلوب كتير حزينة قومى يالا اتبسمي

شوفى بوش وهو خايف والجزمة بتترمى

بصراحة مقدرش أغشك وأقول زعلت عليك

ياريتها جت فى وشك وخزأت عينيك

صدام اللى انت دبحته فى أول يوم العيد

أهو أخد بتاره وفى نفس المواعيد

تحية عشان منتظر وتحية لجزمته

فرحنا فى بوش أخيراً على آخر خدمته

بجزمتين فى وشك هتسيب أمريكا على نارك

ويا عينى مش هتلحق يا بوش تاخد بتارك

فيه ناس كتير بسببك فى الدنيا مبهدلة

بتقول يا ريتها كانت صاروخ أو قنبلة

العالم كله شافك وبالسعادة حس

والجزمة زى الكورة وداخله فى المقص

مليون شهيد وأكتر فى الجنة فرحانين